मन महात्म्य

 

धन होला बडो, साथी! मन चाहिन्छ सर्वदा
धन ता आउँदै गर्छ मनै छैन भने कता? 
मनको धन जस्को छ त्यो हो है असली धनी
दरिद्रता मनैभित्र भए वानर जंगली । 

Moon कि जून?

मातेर यो नीरव रातमा
तिमीलाई म Moon भनौँ कि जून भनूँ?
हाँसेर खोलिदेऊ
छाती त्यो छ क्या नसालु!
ममात्र त हो नि जागा
अब गुन भनूँ कि बैगुन भनूँ!

✿˙·٠•●♥ Ƹ̵̡Ӝ̵̨̄Ʒ ♥●✿ (¯`*•.¸,¤°´✿.。.:*
शुक्लपक्षको जून
वसन्तमा आरूका फूल
✿˙·٠•●♥ Ƹ̵̡Ӝ̵̨̄Ʒ ♥●✿ ●✿(¯`*•.¸,¤°´✿.。.:*

Video

दीयो ढलेर के भो

दीयो ढलेर के भो? ज्योति निभेको छैन
उनले भुलेर के भो? स्मृति बिलेको हैन
आशा त्यो मर्ने छैन, विश्वास घट्ने छैन
मुटु दु:खेर के भो? माया त्यो बिझ्ने हैन

मौनको अभ्यास

“जूनले प्राण भर्छ
निराकार आकाशमा”
Moon above the Ganges, Varanasi

निराकार आकाशमा
जब बादलले रङ्ग
अनि जूनले प्राण भर्छन्
म खोज्छु तिम्रो आकृति
अनायासै
त्यतै कतै
अनन्तको अथाह गहिराइमा

प्रतिक्षण खिइँदो
त्यो चन्द्रमा साक्षी छ
शीतको दोलाईँ ओढेर
मनको यान
स्मृतिसागरमा जब खस्छ
अनित्यबोधको यात्रामा तगारो तेर्स्याउँदै
त्यही मन सुटुक्क गुनासो गर्छ
‘किन पाइँन मैलै जन्मदिनको शुभकामना?’

वितर्कको चिसो झोक्का
मनको कानमा निस्लोट पोल लाउँछ

तर्साउँछ
शालीनताको मौन (‍‍= मौनको शालीन) अभ्यासलाई
गम्भीर अपराधको ढकसँग तौलिदिँदै

सपनामा सल्बलाउने ती रंगीन सर्पहरू
ठुङ्छन् मेरा हात निरन्तर
ऐँठनको संगीतमा रम्दै

विज्ञानको चटक
त्यसमा नुन छर्किदिन्छ
अनि
तयार पार्छ मलाई
बुझाउन
अभ्यन्तरका अनेक
गुह्यातिगुह्य कथा
जुन कहिल्यै लेखिने छैनन्

अरूलाई थाहा छैन
(र
म बताउने पनि छैन)
हामी त्यो संसारमा छौँ
जुन निस्पृह छ
संभवत:
अहम्तुष्टिको महायागमा तन्मय

बोधिवृक्षको हावा
खण्डित चेतना जोडिदिन्छ
मायाको तुँवालो फाट्छ
अनि
अनित्यबोधको बाटोमा
फर्कन्छ उही मन
नि:शर्त, निर्लिप्त, निरालम्ब

पुन:
मौनको अभ्यास गर्न ।

Posted with WordPress for BlackBerry.

बोधिवृक्ष
Bodhi Tree, Bodhgaya