कविता: आजको वास्तविकता

बु्द्धको नाममा द्वेषको काम भो 
टाउको शासकी क्लेषको ठाउँ भो
बैगुनी नाच्दछन् बुद्धको वक्षमा
ज्ञान ता नाश भो पृष्ठको पक्षमा ।।

लाजको भेषमा नग्नता ओर्लियो
छाल ता छल्कियो मानवी जालको 
भ्रष्टको द्वन्द्वमा देशको काल भो
राज्यको भोगमा चण्डको ताल भो ।।

–हिमांशु केशवम्
(स्रग्विणी छन्द)

 

Advertisements

music of silence

what we call
the sound of silence
in fact is
musical motif of a chorus
that cicadas sing
remaining in the oblivion
and
reminding all that life exists
even if the world is in slumber

this april evening
cooled and silenced by a storm
even the rowdy dogs are mute
but
i can hear the music of cicadas
and
i’m trying to understand
what they are singing

trttttttttttttttt…
snnnnnnnnnn..
swnaaaaaaaaa..
they sing non-stop

(NaPoWriMo Post#3)

¤BlackBerry Poem¤

बुद्ध, युद्ध र शान्ति

Buddha, War and Peace

उठेका हातहरू
हतियारसँगै
रणभूमिमा
बुद्धको आँखाको भवमा
बुद्धको हेराइको भवमाExplorer '97 cover page
किन हो कुन्नि !
त्यसै लत्रन्छन् ।

बारुद र बमका बीचमा
बुद्धको उपस्थिति
रगत र रौद्रतामाझ
बुद्धको तरण
शायद भ्रम हो
एक बेअर्थी दर्शन हो ।

भूत, वर्तमान, भविष्य … !!!

काला र गोराको भेदमा
थु्प्रिएका सहस्रौं लाशमाथि
बुद्ध निश्चल उभिरहेछन्,
बेफिक्री हाँसिरहेछन्
शायद सर्वत्र त्यस्तै चाहिरहेछन् ।

सोमालियाको भोकमरीमा
सुकेका शरीर देखेर
बुद्ध आफ्नो तपावस्था सम्झिरहेछन्
अनि भनिरहेछन्

–“तिमीहरू सबै बुद्ध हुनेछौ…. बुद्ध
. .. मजस्तै
प्रतीक्षा गर !”

हुतू र तुत्सीको संघर्षमा
बुद्ध शाक्य-अशाक्यको लडाइँ देखिरहेछन्
अनि
कुनै सिद्धार्थको जन्मको विश्वास दिलाइरहेछन् ।

बोस्निया-हर्ज्गोभिना
चेचेन्या-रुस्
सबैतिर बुद्ध पुगिरहेछन् ।

सर्व् र मुसल्मानको लडाइँमा
बुद्ध शान्तिको पाठ पढाइरहेछन्
प्रत्येक गोला, मिसाइल्मा
आफैँ पड्किरहेछन् !

बुरुन्डी, हाइटी, अल्जेरिया
अफ्गानिस्तान, पाकिस्तान, हिन्दुस्तान
एक्ला बुद्ध जहाँकहीँ पनि पुग्छन्,
पुगिरहेछन् ।

तामिल् र लंकाको झगडामा
बुद्ध घाँटीमा ‘साइनाइड्’ झुन्डाएर
कम्मरमा ‘टायम् बम् फिट्’ गरेर
शान्तिका लागि घोकेर स्वतन्त्रताको नारा
बन्दुक र बारुदसँगै
हुंकार गर्छन्, गर्जन्छन् ।

हिन्दू र मुसल्मानहरू
बुद्ध बुझ्न नै
मन्दिर-मस्जिदको लफडा निकाल्छन्
मारकाट गर्छन्
हिंसा फैलाउँछन् ।

क्याथोलिक्-प्रोटेस्टेन्ट्…
सिया-सुन्नी … !!

बुद्ध शान्त भै हेरिरहन्छन् सबै
शायद बुद्ध त्यही चहान्छन् ।

मध्यपूर्वको अशान्तिमा
बुद्ध आत्मशान्ति पाउँछन्
अनि अघोषित क्षेत्रीय युद्ध मच्चाउँछन् …. ।

डाइनमाइट्को आविष्कारमा रमेका बुद्ध
नोबेको शान्तिपुरस्कारलाई धिक्कार्छन्
हिरोसिमा र नागासाकीका विष्फोटमा
खुशी भै नाचेका बुद्ध
संयुक्त राष्ट्रसंघको शान्तिअभियानलाई सराप्छन्
नेपालको शान्तिक्षेत्रको सोचाइ
सधैँका लागि बिर्साइदिन्छन्
साम्राज्यवादका पक्षपाती बुद्ध
स्वतन्त्रतालाई घृणा गर्छन् ।

“किन थाहा छ?”
–“प्रतीक्षा गर !”

यताका उनी उतिए झै गरेर
लडाइँ चहान्छन् शायद
अनि रम्न चहान्छन्
शान्त रगतको रौद्र उम्लाइमा
पौड्न चहान्छन्
शीतल रगतको ऊष्ण बगाइमा ।

अन्त्यमा बुद्ध
वास्तवमा बुद्ध
पड्कन चहान्छन् पृथ्वीको विष्फोटसँगै
प्यारो बोधिवृक्ष अँगालेर
रक्तरंजित माटो चुम्दै

भूत, वर्तमान, भविष्य…
सधैँ नै
ब्रह्माण्ड-शान्तिका लागि
मात्र ब्रह्माण्ड-शान्तिका लागि !

Buddha, Yuddha ra Shanti(National School of Sciences, NIST,  Lainchaur  मा सन् १९९६/९७ मा भएको कविता प्रतियोगितमा प्रथम घोषित यो कविता Explorer  97 मा प्रकाशित भएको थियो । )